გაქირავების პირობები

პასუხებს რომლებსაც ეძებთ, შეგიძლიათ იხილოთ ხშირად დასმული შეკითხვების სექციაში. იმ შემთხვევაში თუ საჭირო პასუხს ვერ იპოვით, არ მოგერიდოთ და დაგვიკავშირდით ტელეფონის ან ელექტრონული ფოსტის საშუალებით. ჩვენი გუნდი ყოველთვის მზადაა და მოხარულია დახმარების გასაწევად.

ტელეფონი: +995 557 02 33 00; +995 591 19 19 23

ელ-მისამართი: inforoyalcarrent@gmail.com

გაქირავების პირობები

1. წინამდებარე დოკუმენტით განსაზღვრული დებულებები წარმოადგენს დამქირავებელსა და გამქირავებელს შორის ავტოსატრანსპორტო საშუალების ქირავნობის მიზნით შესასრულებელ სავალდებულო პირობებს; წარმოადგენს ამავე მხარეთა შორის გაფორმებული ინსპექტირების აქტის განუყოფელ ნაწილს და განიხილება მასთან ერთობლიობაში;

2. მხოლოდ ინსპექტირების აქტით განსაზღვრულ, ან შესაბამისი წესით უფლებამოსილ პირს შეუძლია მართოს დაქირავებული სატრანსპორტო საშუალება.

3. ავტოსატრანსპორტო საშუალება გამქირავებელს უნდა დაუბრუნდეს შეთანხმებულ დღეს, შეთანხმებულ მისამართზე, იმავე მდგომარეობაში, როგორშიც მას გადაეცა.

4. დამქირავებელი ვალდებულია გასწიოს ყველა ხარჯი, რაც უკავშირდება სატრანსპორტო საშუალების ექსპლუატაციას / სარგებლობას იმ დროის განმავლობაში, როცა ის უშუალოდ ფლობდა აღნიშნულ სატრანსპორტო საშუალებას (საწვავის, საგზაო მოძრაობის წესების დარღვევის შედეგად დაკისრებულ ჯარიმებს ან/და ნებისმიერ სხვა ხარჯს, რომელიც წინამდებარე დოკუმენტში პირდაპირ არ არის მითითებული, თუმცა გამომდინარეობს ქირავნობის საგნით სარგებლობის მიზნებიდან).

5. დამქირავებელი ვალდებულია ნებისმიერ სიტუაციაში, რომელიც ეხება გამქირავებლის მიმართ ქირავნობის საგნიდან გამომდინარე ზიანის მიყენებას (მათ შორის და არა მხოლოდ: ავტოსაგზაო შემთხვევა, ავტომობილის გატაცება თუ სხვა) დაუყოვნებლივ დღე-ღამის ნებისმიერ დროს შეატყობინოს აღნიშნულის შესახებ გამქირავებელს შემდეგ ნომერზე: +995 591191923 ან/და სადაზღვევო კომპანიას შემდეგ ნომერზე: + 995 557 023 300;

6. დამქირავებელი ვალდებულია მკაცრად დაიცვას გზებზე დადგენილი მოძრაობის წესები; ასევე ქირავნობის საგანი გამოიყენოს მხოლოდ ავტოსატრანსპორტო საშუალებების მოძრაობისთვის გათვალისწინებულ საგზაო მონაკვეთზე. აკრძალულია აღნიშნული სატრანსპორტო საშუალებით სარგებლობა მიუვალ (უგზო) ტერიტორიაზე.

7. დამქირავებელს ავტოსატრანსპორტო საშულება გადაეცემა გამართულ, ტექნიკურად ვარგის და ექსპლუატაციისათვის დამაკმაყოფილებელ მდგომარეობაში, შესაბამისი დაზღვევით, თუმცა დამქირავებელი ადასტურებს, რომ აღნიშნული დაზღვევა არ ათავისუფლებს მას სათანადო წესების დაცვით მოახდინოს ქირავნობის საგნის ექსპლუატაცია.

8.ხელშეკრულების გაფორმებისა და მანქანის აღების შემდეგ კომპანია იტოვებს უფლებას, კლიენტისგან მანქანის ვადაზე ადრე დაბრუნების შემთხვევაში, თუ კლიენტს აქვს რაიმე საპატიო მიზეზი, გადაუხადოს კლიენტს გარკვეული თანხა გადახდილი ღირებულებიდან. სახელმწიფო გადასახადების დაფარვისა და მანქანის არაგონივრული ლოდინის ხარჯების გამო, ან კონკრეტულ ავტომობილზე სხვა ჯავშნების დაუშვებლობის გამო კლიენტების დაჯავშნის პერიოდში

9. გამქირავებელი ვალდებულია დღე-ღამის ნებისმიერ დროს მიაწოდოს საჭირო ინფორმაცია დამქირავებელს ან/და აღმოუჩინოს შესაძლო საჭირო დახმარება დროულად ქირავნობის პირობებისა და ქირავნობის საგნით სარგებლობის მიზნებიდან გამომდინარე.

10. მხარეთა შორის ხელმოწერილი ინსპექტირების აქტით გათვალისწინებული ქირავნობის ფასი მოიცავს საქართველოში კანონმდებლობით გათვალისწინებულ ყველა გადასახადს, ხოლო მხარეთა შორის ანგარიშსწორებისას გამოიყენება გადახდის დღეს საქართველოს ეროვნული ბანკის მიერ დადგენილი ვალუტის ოფიციალური გაცვლითი კურსი. დამქირავებლის მიერ ანგარიშსწორება ხდება წინასწარ, ქირავნობის საგნის გადაცემამდე. ამასთან, დეპოზიტის სახით გადახდილი თანხა (ასეთის არსებობის შემთხვევაში) უბრუნდება დამქირავებელს ქირავნობის საგნის დაბრუნებისთანავე, გარდა იმ შემთხვევისა, როცა ამ დოკუმენტით დადგენილი პირობები დაირღვევა ან/და ქირავნობის საგანი დაზიანდა დამქირავებლის მიერ.

11. ყველა ის საკითხი, რომელიც არ არის მოწესრიგებული წინამდებარე დოკუმენტით და შეიძლება წარმოიშვას მხარეთა შორის, გადაწყდება საქართველოში მოქმედი კანონმდებლობის შესაბამისად. მხარეთა შორის ნებისმიერი დავის წარმოშობის შემთხვევაში, ურთიერთშეთანხმების მიუღწევლობისას მხარეებს უფლება აქვთ მიმართონ სასამართლოს, საქართველოში მოქმედი კანონმდებლობით დადგენილი წესით. მხარეები თანხმდებიან, რომ პირველი ინსტანციის სასამართლოს მიერ მიღებული გადაწყვეტილება (მათ შორის გადახდის ბრძანება) დაუყოვნებლივ უნდა აღსასრულდეს საქართველოს სამოქალაქო საპროცესო კოდექსის 268-ე მუხლის 11 ნაწილის შესაბამისად.

12. ამ დოკუმენტზე ხელისმოწერით, მხარეები თანხმდებიან, რომ მხარეთა შორის ავტოსატრანსპორტო საშუალების მიღების და უკან დაბრუნების თარიღები წარმოადგენს იმავე თარიღებს, რაც მითითებულია ინსპექტირების აქტში; ხოლო ნებისმიერი ცვლილება ან შეთანხმება ამ დოკუმენტით დადგენილი პირობებიდან გამომდინარე გაფორმდება წერილობით. ამასთან, დამქირავებელი ადასტურებს, რომ მას ქირავნობის საგანი გადაეცა წინამდებარე დოკუმენტსა და ინპექტირების აქტზე მითითებულ დღეს.

13. სატრანსპორტო საშუალების ექსპლუატაცია წარმოადგენს დამქირავებლის უფლებამოსილებას, რომლის გამოუყენებლობა ან/და დაგვიანებით გამოყენება არ იწვევს ინსპექტირების აქტით შეთანახმებული ქირის გადახადაზე უარის თქმას ან/და ქირის ოდენობის შემცირებასა და ქირავნობის საფასურის გადახდის ვადების ცვლილებას. ქირავნობის მიზნებისთვის, ითვლება, რომ დამქირავებელი სატრანსპორტო საშუალებით სარგებლობას იწყებს წინამდებარე დოკუმენტსა და ინპექტირების აქტზე ხელისმოწრისთანავე.

14. იმ შემთხვევაში, თუკი სატრანსპორტო საშუალების გამქირავებლისთვის დაბრუნებისას აღმოჩნდება, რომ სატრანსპორტო საშუალება არის დაზიანებული, კერძოდ მას აქვს ნაკლი/დაზიანება, რაც არ იყო აღნიშნული მხარეთა მიერ ხელმოწერილი ინსპექტირების აქტში ან/და ზარალის დადგომის შემთხვევაში დამქირავებელმა დაუყოვნებლივ არ აცნობა გამქირავებელს, დამქირავებელს წარმოეშვება ვალდებულება, აუნაზღაუროს გამქირავებელს ამით გამოწვეული ნებისმიერი ხარჯი და ზიანი.

15. წინამდებარე დოკუმენტით განსაზღვრული პირობები ძალაშია ხელმოწერიდან (ავტოსატრანსპორტო საშუალების დამქირავებლისათვის გადაცემიდან) გამქირავებლისათვის ავტოსატრანსპორტო საშუალების დაბრუნებამდე.

16.მეიჯარე ვალდებულია კლიენტს მიაწოდოს სხვა ავტომობილი, მაშინ როცა ავტომობილს ტექნიკური პრობლემა აქვს. ლიზინგის მიმღების მიერ სატრანსპორტო საშუალების დაქირავების შეწყვეტის შემთხვევაში მოიჯარე არ უბრუნდეს გაქირავების საფასურს, თუ დაქირავებული ავტომობილი კარგ ექსპლუატაციურ მდგომარეობაშია და/ან მანქანის ტექნიკური ავარიის შემთხვევაში კლიენტი უარს ამბობს მიიღოს სხვა მანქანა მეიჯარეს მიერ.

17. გამქირავებელი ვალდებულია:

უზრუნველყოს წინამდებარე დოკუმენტებითა და ინსპექტირების აქტით განსაზღვრული პირობების შესრულება და დამქირავებლის მიერ ქირავნობის საგნით სარგებლობის უფლება.

18. დამქირავებელი ვალდებულია:

 დანიშნულებისამებრ გამოიყენოს სატრანსპორტო საშუალება;

 არ მართოს სატრანსპორტო საშუალება ალკოჰოლურ ან/და ნარკოტიკულ ნივთიერებათა ზემოქმედების ქვეშ;

 არ გადასცეს სატრანსპორტო საშუალება ნებსმიერ მესამე პირს, მათ შორის (ჩამონათვალი არ არის ამომწურავი):

ა) არასრულწლოვან პირს;

ბ) პირს, რომელსაც არ აქვს მართვის მოწმობა;

გ) პირს, რომელიც იმყოფება ალკოჰოლურ ან/და ნარკოტიკულ ნივთიერებათა ზემოქმედების ქვეშ;

 დაიცვას მოძრაობის წესები;

 არ დაარღვიოს იმ ქვეყნის კანონმდებლობა სადაც გადაადგილდება სატრანსპორტო საშუალებით;

 სატრანსპორტო საშუალების დაზიანების შემთხვევაში, დაუყოვნებლივ შეატყობინოს გამქირავებელს;

 დაიცვას სატრანსპორტო საშუალება დაზიანებისგან და გაუფრთხილდეს მას.

 სატრანსპორტო საშუალების გამქირავებლისთვის დაბრუნებისას, თუკი აღმოჩნდება, რომ სატრანსპორტო საშუალება არის დაზიანებული, აუნაზღაუროს გამქირავებელს ამით გამოწვეული ნებისმიერი ხარჯი და/ან ზიანი.

19. ამ დოკუმენტზე ხელმოწერით დამქირავებელი აცხადებს და ადასტურებს, რომ მის მიერ გამქირავებლისთვის წარდგენილი მართვის მოწმობა არ არის გაყალბებული და მას აქვს სატრანსპორტო საშუალების მართვის არანაკლებ 6 თვიანი სტაჟი; ასევე არის ქმედუნარიანი, 21 წლის და აქვს ამ დოკუმენტისა და ინსპექტირების აქტის გაფორმების სრული უფლებამოსილება;

20. დამქირავებელი ვალდებულია აანაზღაუროს მის მიერ ამ პირობებითა და ინსპექტირების აქტით განსაზღვრული ვალდებულებათა შეუსრულებლობით ან/და არაჯეროვანი შესრულებით გამოწვეული ნებისმიერი სახის ზიანი.

21.დამქირავებელი აცხადებს თანხმობას დააბრუნოს ავტოსატრანსპორტო საშუალება იმავე მოცულობის საწვავით, როგორც მას გადაეცა, წინააღმდეგ შემთხვევაში კი აანაზღაუროს საწვავის შესაბამისი ოდენობის პროპორციული თანხა.

22. ავტოსატრანსპორტო საშუალება დამქირავებელს გადაეცემა შესაბამისი დაზღვევით. რაც გულისხმობს ავტოსატრანპორტო საშუალების მიმართ დამქირავებლის მიერ გაუფრთხილებლობით ან/და მესამე მხარის მიერ მიყენებული ზიანის ანაზღაურებას სრული სადაზღვევო პაკეტით. დამქირავებელი ვალდებულია ნებისმიერი ზარალის შემთხვევაში დაუყოვნებლივ შეატყობინოს გამქირავებელს აღნიშნულის თაობაზე, ხოლო ავტოსაგზაო შემთხვევის დროს არ მოახდინოს ავტომობილის გაყვანა შემთხვევის ადგილიდან უფლებამოსილი პირის მითითების გარეშე.